Svenskt visarkiv

Šukar aljan ki Švedskakiri arhiva baš i folk muzika, đilja, purani popularno muzika, jazz hem folk dans.

Svenskt visarkiv

So čerela i Svenskt visarkiv?

O Svenskt visarkiv čedela, arakhi, rodela hem vačeri kotar muzika hem dans ki Švedska. Amen pobuter interesini i folk muzika, đilja, purani popularno muzika, jazz hem folk dans. I arhiva tani phravdi sarinenđe hem sarine šaj te dikhen delo kotar amari kolekcia.

Nane samo đilja ki amari kolekcia

Akate koro amende šaj te arakhe đilja so hine pisime vasteja hem avena kotar o razna thana ki Švedska, but purane Samisko jojk, purane šlager note, originalna aranžmanija baš o jazz orkestar, snimimi dans dokumentacia hem jekh celo rejv arhiva.

Ki kolekcia isi zvuko- hem film snimkija, note, tekstija, fotografije, knjige, privatna- hem arhiva kotar organizacije, ama hem but bari referens biblioteka.

Phravdo sarinenđe

Ko amaro internet katalog šaj te rode snimkija ko prekalo 100 000 đilja. Amen čeraja amare kolekcije te oven digitalna. Kontaktirin amari ekspedicia ako isi tut disavo pučibe ja mangeja te rode pobuter ko amare kolekcije. Amare ekspertija odgovorinena ko pučibe kotar o manuša hem institucije ki celo phuv. Tu ako mangeja šaj te ave hem koro amende ki Stockholm.

Nauka hem kolekcia

Svenskt visarkiv hine ola iniciativa ki nauka te rodel pana kotar o starti e beršeste 1951, kaj prvo počije ko amare kolekcije. Amen isi amen saradnja ko univerzitetija, fakultetija hem avera kulturna institucije ki Švedska hem avera phuvja.

O naučna delija publicirinena pe ko knjige, ploče, internet prezentacije hem fizička prezentacije. O Svenskt visarkiv publicirini jekh puti ko berš o naučno magazini Puls – musik- och dansetnologisk tidskrift.

Svenskt visarkiv tano jekh delo kotar institucia Statens musikverk.