
Ruoŧa lávllaarkiiva birra / Svenskt visarkiv
Bures boahtin Ruoŧa álbmotmusihka, lávlagiid, boarrásit populáramusihka, jazza ja álbmotlaš dánssa arkiivii.
Maid Ruoŧa lávllaarkiiva bargá?
Lávllaarkiiva čohkke, seailluha, dutká ja muitala musihka ja dánssa kulturárbbi birra Ruoŧas. Ovddidat bargguideamet álbmotmusihka, lávlagiid, boarrásit populáramusihka, jazza ja álbmotlaš dánssa surggiiguin. Arkiiva lea rabas juohkehažžii gii háliida váldit oasi das.
Eanet go lávlagat čoakkáldagain
Dáppe gávnnat earret eará giehtačállojuvvon lávllagirjjiid mat bohtet iešguđetge guovlluin Ruoŧas, čuođijahkásaš báddemiid sámi luđiin, árra schlagernuohtaid, jassačuojahanjoavkkuid originálalágidemiid, filbmejuvvon dánsadokumentašuvnnaid ja olles rejvarkiiva.
Rabas juohkehažžii
Min webbkatalogas sáhtát ohcat jietnabáddiid ja 100 000 nári lávlagiid ja šuoŋaid. Dađi mielde juohkit digitálalaččat čoakkáldahkamet. Váldde áinnas oktavuođa ekspedišuvnnain jus dus leat jearaldagat dahje háliidat ohcat viidábut čoakkáldagain. Min ávnnasáššedovdit vástidit olbmuid ja miehtá Ruoŧa ásahusaid jearaldagaide. Sáhtát maid boahtit min guossái Stockholbmii.
Dutkan ja čohkken
Ruoŧa lávllaarkiiva lea dutkat 1951 rájes, ja vuolggasadji lea dávjá čoakkáldahkamet. Mii ovttasbargat universitehtaiguin, allaskuvllaiguin ja eará kulturásahusaiguin, sihke siskkobealde Ruoŧa ja riikkaidgaskasaččat.
Dutkanbargu almmuhuvvo girje- ja skearrohámis, webbovdabuktimiiguin ja geahčči ovdabuktimiiguin. Lávllaarkiiva almmuha maid jahkásaččat dieđalaš guorahallojuvvon áigečállaga Puls – musihkka- ja dánsaetnologálaš áigečála (Puls – musik- coh dansetnologisk tidskrift).
Ruoŧa lávllaarkiiva lea oassin Stáhta Statens musikverk / musihkkadoaimmahaga ásahusas.